was i no sagn mecht……zum
frühlingsbeginn
am 20.märz da is frühlingsbeginn,
nach an so tiafn winter a echter gewinn.
so vüle ham gjammert, daß ‘s kalt is und schneit,
‘s is kaner mehr gwohnt und a niemand bereit
des ausz’haltn, was eh nur a kurze zeit dauert,
bevor wieder d‘ endlose hitzewelln lauert.
unser körper und a unser sö braucht net nur
andauernd die sun, denn mutter natur,
die hat g’schaffn für uns die ‚vier jahreszeiten‘.
aber schaut’s euch do um in unsere breiten,
da gibt’s nur mehr zwa: den summer und winter,
des mehrmals im jahr, und i kumm net dahinter,
wer zuaständig is, die natur oder wir.
i glaub des san wir, aber kaner is schuld.
i frag mi, wia lang hat d‘ natur no geduld?
© irmgard czerny
