was i no sagn mecht … a fürs nächste jahr
i schenk ma oft selba an blumenstrauß,
ja, i tua des gern, des macht ma nix aus.
denn wann i drauf wart, daß de andern des tun,
da wer i wahrscheinlich scho ewig ruhn.
drum schenk net nur blumen dir, sondern a zeit.
‚s is vü zu vü hektik und streß unter d‘ leit.
ziag zruck di daham mit an spannenden buch,
vielleicht gelingt a museumsbesuch.
hör musik, weu die is für die sö bsunders fein
schalt pc und des handy für a weil gar net ein.
ganz wichtig wa a, daß der körper si gfreit
über sauerstoffzufuhr, dann is er bereit,
stellt si wieda täglich dem abnteuer leben
und wird a vü kraft und vü freude dir geben.
also tua halt des öftern a paar euro blechen
und laß für di selba die blumen sprechen.
© irmgard czerny
